Viral Video-ਦੁਨੀਆ ‘ਚ ਵੱਖ-ਵੱਖ ਕੰਪਨੀਆਂ ਅਜਿਹੇ ਫੋਨ ਬਣਾ ਰਹੀਆਂ ਹਨ, ਜੋ ਐਡਵਾਂਸ ਫੀਚਰਸ ਹੋਣ ਦੇ ਨਾਲ-ਨਾਲ ਦੇਖਣ ‘ਚ ਵੀ ਬਹੁਤ ਖੂਬਸੂਰਤ ਹਨ ਪਰ ਜੇਕਰ ਆਈਫੋਨ ਦੀ ਗੱਲ ਕਰੀਏ ਤਾਂ ਕੋਈ ਵੀ ਫੋਨ ਇਸ ਦੇ ਕ੍ਰੇਜ਼ ਦੀ ਬਰਾਬਰੀ ਨਹੀਂ ਕਰ ਸਕਿਆ। ਹਾਲ ਹੀ ਵਿਚ ਆਈਫੋਨ-15 ਲਾਂਚ ਕੀਤਾ ਗਿਆ ਹੈ।ਇਸ ਨੂੰ ਖਰੀਦਣ ਲਈ ਲੋਕ ਕੁਝ ਵੀ ਕਰਨ ਨੂੰ ਤਿਆਰ ਹਨ। ਐਪਲ ਸਟੋਰਾਂ ਅਤੇ ਮਾਲਜ਼ ‘ਚ ਲੰਬੀਆਂ ਕਤਾਰਾਂ ਲੱਗੀਆਂ ਹੋਈਆਂ ਹਨ ਪਰ ਇਕ ਥਾਂ ‘ਤੇ ਕੁਝ ਵੱਖਰਾ ਹੀ ਨਜ਼ਾਰਾ ਦੇਖਣ ਨੂੰ ਮਿਲਿਆ।
ਇਸ ਸਮੇਂ ਅਮਰੀਕਾ ਦੇ ਫਿਲਾਡੇਲਫੀਆ ਤੋਂ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਐਪਲ ਸਟੋਰ ਦੇ ਬਾਹਰ ਵੱਡੀ ਗਿਣਤੀ ਵਿੱਚ ਲੋਕ ਖੜੇ ਹਨ। ਇੱਥੇ ਕੋਈ ਸਟੋਰ ਤੋਂ ਫੋਨ ਨਹੀਂ ਖਰੀਦ ਰਿਹਾ, ਸਗੋਂ ਕੁਝ ਲੋਕ ਇਨ੍ਹਾਂ ਨੂੰ ਲੁੱਟਦੇ ਨਜ਼ਰ ਆ ਰਹੇ ਹਨ। ਇਸ ਘਟਨਾ ਦੀ ਵੀਡੀਓ ਦੇਖਣ ਤੋਂ ਬਾਅਦ ਤੁਸੀਂ ਵੀ ਹੈਰਾਨ ਰਹਿ ਜਾਵੋਗੇ।ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਈ ਲੋਕ ਇਕੱਠੇ ਐਪਲ ਸਟੋਰ ‘ਚ ਦਾਖਲ ਹੁੰਦੇ ਹਨ, ਜਿਸ ਤੋਂ ਬਾਅਦ ਲੁੱਟਮਾਰ ਸ਼ੁਰੂ ਹੋ ਜਾਂਦੀ ਹੈ। ਐਪਲ ਸਟੋਰ ‘ਚ ਰੱਖੇ ਫੋਨ ਨੂੰ ਚੁੱਕ ਕੇ ਲੋਕ ਇਸ ਤਰ੍ਹਾਂ ਭੱਜਣ ਲੱਗ ਪੈਂਦੇ ਹਨ ਜਿਵੇਂ ਕੋਈ ਗਾਜਰ-ਮੂਲੀ ਜਾਂ ਕੋਈ ਸਸਤੀ ਚੀਜ਼ ਹੋਵੇ।
ਇਨ੍ਹਾਂ ਸਾਰੇ ਲੋਕਾਂ ਨੇ ਆਪਣੇ ਚਿਹਰੇ ਮਾਸਕ ਨਾਲ ਲੁਕਾਏ ਹੋਏ ਹਨ। ਇਨ੍ਹਾਂ ਨਕਾਬਪੋਸ਼ ਵਿਅਕਤੀਆਂ ਵਿੱਚੋਂ ਹਰੇਕ ਨੇ ਘੱਟੋ-ਘੱਟ 4-5 ਆਈਫੋਨ ਚੋਰੀ ਕੀਤੇ। ਕਈ ਲੋਕਾਂ ਨੇ ਇਸ ਪੂਰੀ ਘਟਨਾ ਦੀ ਵੀਡੀਓ ਵੀ ਬਣਾਈ ਹੈ। ਸਾਹਮਣੇ ਆਏ ਲੋਕ ਇਹ ਵੀ ਦਿਖਾ ਰਹੇ ਹਨ ਕਿ ਉਨ੍ਹਾਂ ਨੇ ਕਿੰਨੇ ਫੋਨ ਲੁੱਟੇ ਹਨ। ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਹੈਰਾਨ ਹਨ।ਇਹ ਵੀਡੀਓ ਸੋਸ਼ਲ ਮੀਡੀਆ ਦੇ ਵੱਖ-ਵੱਖ ਪਲੇਟਫਾਰਮਾਂ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ ਕੁਝ ਲੋਕਾਂ ਨੇ ਇਹ ਟਿੱਪਣੀ ਵੀ ਕੀਤੀ ਹੈ ਕਿ ਜਦੋਂ ਉਨ੍ਹਾਂ ਨੂੰ ਘੰਟਿਆਂਬੱਧੀ ਲਾਈਨ ਵਿੱਚ ਖੜ੍ਹੇ ਹੋਣ ਤੋਂ ਬਾਅਦ ਫੋਨ ਨਹੀਂ ਮਿਲਦਾ ਤਾਂ ਉਹ ਅਜਿਹਾ ਹੀ ਕਰਨਗੇ।
Looters who hit multiple stores also targeted the Apple Store. They were there for the iPhone 15 Pro Max and a whole lot more in Philadelphia. pic.twitter.com/ZqEYTceRjR
— Ian Miles Cheong (@stillgray) September 27, 2023